上篇簡單咁睇左個行程，但成就到一個旅程既第一步就係要比d勇氣出黎--買機票！ 當你有勇氣買機票，咁要去幾日，請幾多日假呢？雖然今次出遊都有利用埋新春既公眾假，但比咁多錢買機票，飛廿幾三十個鐘穿過大平洋，無理由去一星期咁少架~淨係來回機程都無左3-4日，所以今次我豪少少，由離港到回港期間一共用左17日，請左8日假。心水清既你應該知我係秘魯同玻利維亞只係留左11(標題有寫)，扣哂飛行時間，係中途站（韓國）玩左2.5日。。。(唉，其實去得咁遠我點會想留多兩日係韓國而唔係南美呢。。？！更何況遇上武漢肺炎，係韓國比人歧視，唉，或者係南美仲可以去埋智利，但。。。唉。。。你明既，周末機票既野就係Supply and Demand。。。) 所以經過多番思量，得出以下機程： 去程： 24/01/2020: HKG-INC (13:55-18:25) 25/01/2020: INC-MEX (12:25-10:35) 25/01/2020: MEX-LIM (17:05-00:10+1) 26/01/2020: LIM-CUZ (04:29-05:54+1) 回程： 06/02/2020：LPB-BOG (02:31-05:13) 06/02/2020: BOG-MEX (08:05-12:05) 06/02/2020: MEX-INC (23:10-06:00+2) 09/02/2020: INC-HKG (21:25-00:30) 其實呢個機程我分左三次，係唔同時間段買，首先當然係買最長途，由首爾（Seoul) 飛利馬（Lima）同拉巴斯 (La paz) 飛返首爾（Seoul）果程。為免走回頭路，我用左open jaw。中途轉機就難免架喇，主要都係坐墨西哥航空，其中有一程坐哥倫比亞航空，呢個套票係Expedia網站買，共HKD5772/人包稅同寄倉行李，呢個價係咪會心動先？：p 再黎就係香港來回首爾既機票，非旺季時隨時搵都係一千多d既機票，但遇上新春。。。唉！機票就黎個double, 今次坐濟州航空(Jeju air), 包埋來回15kg行李，共HKD2886/人, 呢個價算係咁啦！（自我安慰加苦笑） 到最後就係Lima 飛Cusco,呢程其實都糾結左好耐，係到出發前一個月先捨得買，考慮到行程上唔想留Lima(爬文好似話Lima無咩特別，又多小偷)，搭飛機平過坐過夜巴（呢程山路多又崎嶇，安全考量）,但點解都咁遲先買？都係果句-- 貴！不過唔知係咪我好彩, 竟然比我買到Sky airline， USD41.03(~HKD320)包稅包托運行李單程飛（當初搵Viva airline都覺得價錢可以接受。）Sky airline係智利聖地亞哥廉航，網上評價都ok, 咁就膽粗粗試下。事實又沒咩特別唔好，所以呢間廉航搭得過。 不過不得不提，除左唔同航空公司要格價（一般會用Skyscanner)，用唔同途徑買票都要格下價，就好似我今次用手機買係比電腦買平左3.*蚊美金（買兩張平左~7蚊美金！）雖然平得唔多，但有種執到寶既快感同滿足感！（師奶仔慳家就係咁架啦~！）以下有手機截圖教學作參考。順帶一提，爬文有話買南美既各種票，最好都試下用唔同語言既版本搵下，話唔定有意外驚喜！：） 上sky airline 官網 揀地點同飛既日期 揀適合自己既配套（自問唔係專業back packer，飛咁多日，無返個26吋喼都飛唔到，所以必定揀有得check in baggage既option, 即係加左USD24揀PLUS有23KG） 揀返個靚位(可以加錢坐前D)，填埋個人資料同一d加行李加保險等等既雜項。 注意返電話果欄係有香港呢個option揀。 跟住填埋信用卡比錢就得喇~！ 不過最重要係去到完成果版記得click Download PDF! 因為我收唔到email 係關於呢個訂飛既confirmation，垃圾郵件都無收到，好彩我見到Download PDF 就順手禁黎睇。我就無sign up 做會員，可能上返官網入自己資料會有得download返。但因為旅程已經有好多瑣碎既野要提前book，所以搞點一樣就得一樣。出發前我print左張confirmation letter， 以備到時check-in用。但事實我去到都係比本passport地勤， 話佢知destination 係Lima就ok。當然我無online check-in，因為大部分online check-in都要自行print boarding pass，但我懶得準備，寜願係機場早d排隊check-in。不過無提早online check-in既後果就係有機會同旅伴分開坐，又或者會安排坐機尾近厠所既位置， 如果介意就早d online check-in。 訂哂今次旅程既機票就著手訂火車同巴士票。預計整個行程會坐4次長途巴（當中有3程夜巴），但考慮到行程中既各種變數（玻國簽證可能有延誤、高山症可能令身體不適），加上我地去既時侯秘魯唔算旺季，巴士票無咁緊張，所以打算去到當地先買。關於點樣係當地買長途巴/過夜巴會之後單獨分享。 唯一比較擔心既係去馬丘比丘既火車票。撇除行路，搭火車似乎係唯一既交通工具可以去到馬丘比丘山腳--熱水鎮。亦因為火車既營運公司唔多（比較多人知既有私營Inca rail 同國企Peru rail)，所以呢程火車又係相對貴。早係出發前兩個月睇過下d票價，最平US$50左右/張/程，都算過得去，叫做節省左4-5個鐘既腳骨力（開始時想慳，都有諗過行路，但一月尾二月係秘魯雨季，基於安全考慮，就打消行入去呢個念頭）。就係諗左下去秘魯時係雨季，馬丘比丘會唔會大霧到咩都睇唔到，諗住睇定d天氣先再決定邊日去。呢程火車票唔驚佢無票，就係怕貴到買唔起。因為出發前一個月再搵，最平果隻票已經加到US$70幾/張/程。。。所以當刻就把心一橫買左O鎮來回熱水鎮既火車票，望我地唔係貴人，出門唔會招到風雨喇~ 由於我地打算book 聖谷一日團，去到O鎮先脫團，比較左時間同價錢後覺得Inca Rail比較適合。如果知道自己會係熱水鎮留幾多日，建議買來回，因為來回比買單程平。以下係我地來回既時間同買火車票既載圖，可供參考。 27/01/2020：OLLA -- MAPI (16:36) 28/01/2020：MAPI -- OLLA (14:30) 上Inca Rail 官網, 揀返Trip Type, 日期, 人數 填個人資料 之後會有個好似summary咁, 比你對返D資料 岩就可以比錢, 付款方式都幾多 比埋錢就有呢張Confirmation letter, 話你購買成功啦! Print定出黎, 到左Cusco 就可以換火車票啦！
