我個囡 自從加固之後 就開始有排便問題 最耐試過四日先屙一次 真係緊張到呀媽夜晚訓咗都掛住佢D屎 每日成日WHATSAPP問姐姐 今日屙咗未 我終於明白N年前 洗腦奶粉既廣告 果句 BB有便便啦 全家都好開心 到底係咩令佢有便秘問題哩 首先 便秘唔係計日數 係睇便便既狀況 如果D便便係冧身 排便唔痛 其實都唔算係便秘 但我個囡 每次一屙親都會喊 而且仲係條狀型 仲要摸落下係硬到好似石頭 有小小帶血 佢係屬於TYPE 2 再加埋條友唔鐘意飲水同食生果 情況真係冇得改善 每次屙屎都好似打仗咁...姐姐要用凡士林去刺激肛門 但因為痛 佢又唔想屙...結果情況越來越差 為咗解決呢個令人頭痛問題 首先 就不停訓練佢飲水 (而家都係肯飲果小小) 每次睇巧虎就塞個水杯俾佢飲 初初真係肯飲 後來日子有功 佢學識咗只咬唔啜 所以又要用另一個方法 就係用佢隻杯飲俾佢睇 通常隔離飯香 佢形住你飲緊既嘢係好味D 呢個方法都WORK既...肯啜囉...最後而家啜完又會LUR出來 進化到玩水............... 飲水呢件事 仲係度同佢周旋中 但屎係要屙 我都冇得同佢慢慢玩 唯有試咗另外一D方法 最近覺得係幾WORK 位元堂的開奶茶 想話佢會唔會太熱氣 所以D便便咁硬 開奶茶係清熱氣 幫助排便 我都唔敢俾太多佢飲 一星期最多落兩包係D奶度 再加上 HAPPY BABY 呢隻PRUNES 又係幾日一包 做完呢2樣嘢 佢呢輪差不多日日都有 有時就兩日一次 雖然便便仲係TYPE 2 但有時可以TYPE 3 或者好冧身 當然長遠來計 都係要令佢飲水同食生果先解決到~~
