波鞋有限定、蛋糕有限定，從來無諗過面膜居然有香港限定！！ 全新香港限定LEADERS Insolution玫瑰花水補濕面膜， 其粉紅色包裝加上「香港限定」，都足夠我乖乖洗好臉試試看， 身為面膜控當然要快人一步為大家率先一試啦～ 我好鐘意敷面膜，原因係每日辛苦工作後，呢短短15分鐘係我嘅ME TIME。 除此之外，每日面對環境污染、濕熱天氣、 生活壓力、休息不足等等嘅問題，對肌膚嘅損害實在唔少， 所以面膜簡直係我身心放鬆嘅急救包！ LEADERS Insolution玫瑰花水補濕面膜以少女心滿滿嘅粉紅色作為設計， 一盒有五塊，面膜通過SGS補濕測試， 當中嘅天然成份證實可以令肌膚水分大幅提升95%，長效鎖水。 最教人興奮嘅係面膜通過補濕測試、肌敏測試同毒物測試， 當中無任何化學防腐劑、雌激素，仲通過過千種對人體有害物質篩查， 對於生活喺都市污染滿滿嘅香港嚟講， 呢款面膜絕對好適合敏感肌使用。 成分中有透明質酸、水母萃取、深海藻提取物同珍稀5010ppm保加利亞玫瑰水、 乳酸桿菌、德國洋甘菊、馬齒莧等等，能夠作出長效保濕同抗敏。 特別值得一提嘅係當中珍稀5010ppm保加利亞玫瑰水， 可以幫助補充水分同時保濕亮白，舒緩乾燥或敏感肌膚， 同時能撫潤受損肌表，提升肌膚保水度， 所以每當我見到有保加利亞玫瑰水成分嘅護膚品都會特別留意！ 其實LEADERS呢個品牌對我來說一點都唔陌生， 因為佢哋嘅面膜通過好多國際標準認證，絕對係呵護肌膚嘅安心之選， 再加上有唔同嘅面膜供選擇，所以一直都有回購品牌嘅面膜。 最令我喜歡嘅係佢嘅面膜材質係由棉花籽絨而成， 密度極高，敷起嚟超貼服又柔軟，而且仲附有大量精華，好保濕！ 按面部輪廓敷上面膜，雖然包裝寫敷上十五分鐘， 不過我次次都敷大概20-25分鐘左右，因為面膜敷起嚟實在好舒服。 每次當我曬後或者皮膚帶有點泛紅時，敷上LEADERS面膜就可以幫我補水， 而呢片玫瑰花水補濕面膜仲能夠舒緩一吓我嘅皮膚，效果幾好。 可能就快到經期，敷面膜前水分係由21.9%，有啲水油唔平衝， 而敷完面膜後，肌膚含水量足足上升至55.2%，成一倍有多。 效果超越我估計，所以點解LEADERS嘅面膜成日有人搶購呢～ LEADERS Insolution玫瑰花水補濕面膜25ml HK$85 Facebook：www.facebook.com/leadersclinic/ Website：www.leaderseshop.hk ❝ Provided By LEADERS❞ 聯絡MsJovi： ww.jovi@ymail.com / www.facebook.com/blogger.ms.jovi/ Blogspot She Elle BeautyExchange UBeauty TheZtyle SheWIn Cosmopolitan FaceBook WeShare OpenRice 免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場, 如需協助或希望獲得更多有關產品資訊, 請直接聯絡該品牌查詢
