日本賞櫻係每年必做嘅年度盛事！目前2018日本櫻花開花時間已經陸續公布，為咗避免掃興而歸，出發前一定要確認滿開日期、人氣景點同熱門時段，呢次，KKday貼心整理咗2018日本賞櫻指南，令你可以掌握2018櫻花花期，賞花無難度！ 開花時間 每年除咗日本氣象廳之外，各個民間單位亦都會自行預測櫻花初開同滿開時間。依家推算出嘅結果仲係太早，但KKday為咗令大家可以提早搶機票，分享嘅係依照2018預期氣溫推估出嘅粗略預測。值得注意係，預測會隨住日期愈靠近更加準確，出發前記得再確認即時資訊啦！ ▶︎ 確認最新資訊： 日本Weathermap 日本氣象協會 東京必到賞櫻景點 1. 花火名所・隅田川 去東京絕對唔可以錯過淺草寺，除咗感受下町城市嘅風情、坐上人力車睇風景之外，春天時節仲可以行路去隅田川坐上遊覽船欣賞兩岸櫻花，仲有眺望人氣No.1嘅東京晴空塔。 ▶︎ 櫻花種類：染井吉野櫻、大島櫻、枝垂櫻 ▶︎ 地址：東京都墨田区向島 ▶︎ 交通： (1) 搭乘東武伊勢崎線或東京地鐵銀座線至淺草站，徒步約5分鐘 (2) 搭乘都營淺草線至本所吾妻橋站，徒步約7分鐘 2. 皇居護城河區・千鳥淵公園（千鳥ヶ淵公園）、北之丸 想體驗輕舟小船喺河上慢慢漂浮嘅感覺？去千鳥淵公園就係最好嘅選擇！櫻花樹並列兩邊就沿住河流傾瀉而下，簡直就係令人難忘嘅浪漫場景。除咗日間可以畀櫻花緊緊包圍之外，入黑後嘅千鳥淵公園亦都係別有一番風味，透過燈光嘅投射，一團團花叢就好似白雪咁，層層疊疊，都係值得一睇嘅靚景。另外，位於皇居外苑嘅北之丸公園，園內有300多棵以上嘅櫻花，賞櫻愛好者千其唔好錯過，快啲過黎等櫻花將你包圍！ ▶︎ 櫻花種類：染井吉野櫻、大島櫻 3. 東京鐵塔絕佳視野・增上寺、芝公園 每年跨年必去景點之一「增上寺」，新年嘅零時起會敲響108下鐘聲，為祈求平安一年。另一方面，寺院後方就係東京鐵塔，鐘聲搭配鐵塔點燈，係老東京嘅必到行程。天氣和暖入春，櫻花綻放，配上寺院以及東京鐵塔，都必定係經典賞櫻場所。 ▶︎ 櫻花種類：里櫻、枝垂櫻、染井吉野櫻 ▶︎ 地址：東京都港区芝公園1・2・3・4 ▶︎ 交通：搭乘東京都營地下鐵三田線至芝公園站徒步2分鐘 4. 靖國神社 靖國神社裡面有一棵畀日本氣象局指定為「開花基準樹」嘅櫻花樹，當佢開五～六朵花時，就係預告東京櫻花即將盛開。所以建議可以喺開花宣言後嘅五～六日去東京，就應該會啱啱好欣賞到滿城怒放嘅櫻花盛典。喺靖國神社仲可以選擇賞夜櫻，櫻花樹下會有一排嘅屋台，熱鬧程度絕對唔輸台灣夜市，品嚐美食之餘同時間有櫻花相伴一定係人生一大樂事。 ▶︎ 櫻花種類：染井吉野櫻（約600多棵） ▶︎ 地址：東京都千代田区九段北3-1-1 ▶︎ 交通： (1) 搭乘地下鐵至九段下車站徒步5分鐘 (2) 搭乘JR至市ヶ谷站・飯田橋站徒步10分鐘 ▶︎ 開放時間：6:00 – 18:00（外苑為24小時） 5. 日劇「跟我說愛我」（愛していると言ってくれ）・井之頭恩賜公園 先呼喚一下大家嘅記憶，仲記唔記得有套日劇叫「跟我說愛我」呢？呢部經典日劇拍攝地點幾乎都係呢個公園同周邊。想回味返劇中每個場景，不妨黎呢到搵搵！ 除咗「跟我說愛我」，近期啲嘅日劇「Last Friends」、「我不能戀愛的理由」都喺呢度取景。當然，井之頭公園都係東京賞櫻熱點。大正2年成立嘅井之頭恩賜公園，亦已經隨住2017年邁入開園100週年，去東京記得去行下呀！另外，行完公園之後，都千祈唔好錯過動畫大師宮崎駿嘅夢幻城堡「三鷹之森吉卜力美術館」，快啲去美術館探訪豆豆龍及龍貓公車啦！ ▶︎ 櫻花種類：染井吉野櫻、山櫻等約400-500多棵 ▶︎ 地址：東京都武蔵野市御殿山1-18-31 ▶︎ 交通：搭乘JR・京王井の頭線吉祥寺站徒步約5分鐘或京王井の頭線井の頭公園站徒步約1分鐘 6.貓咪帶你去賞花・上野恩賜公園 總面積夠寬闊嘅上野公園係東京都嘅出名賞花景點。由寬永年間（1624~44）至依家，上野公園嘅賞花歷史悠久。一到櫻花綻放嘅時期，園內就會人潮爆滿，簡直係東京賞櫻一級戰區！如果想避開人群，慢慢賞櫻，就唯有8:00以前去到（甚至要再早啲） ▶︎ 櫻花種類：染井吉野櫻、山櫻、寒緋櫻等約1000多棵（包括上野動物園入面） ▶︎ 地址：東京都台東区上野公園5-20 ▶︎ 交通： (1) 搭乘JR、東京地鐵銀座線・日比谷線至上野站徒步約5分鐘 (2) 搭乘京成本線至京成上野站徒步約3分鐘 ▶︎ 開放時間：5:00 – 23:00 【仲有其他東京賞櫻行程】 ▶︎ 靜岡河津櫻花祭・採草莓・油菜花（東京出發） ▶︎ 東京出發 富士山芝櫻季＋仼食士多啤梨 ▶︎ 東京近郊賞櫻 富士山、小田原、箱根海盜船 京都必去賞櫻景點 1.京都代名詞ー清水寺 提起京都大家會第一時間諗起咩？無錯，就係擁有百年歷史嘅「清水寺」，除咗出名在於神社建築外，加上周邊有好多必到景點，令清水寺成為京都必去嘅人氣景點。 小編小提示：為咗迎接2020年奧運，清水寺嘅清水舞台依家修葺緊，想去清水寺嘅朋友可以考慮下再決定！ ▶︎ 地址：日本〒605-0862 Kyōto-fu, Kyōto-shi, Higashiyama-ku, Kiyomizu 1-chōme, ２９ ▶︎ 交通：市巴士46、100、201、202、203、206、207喺清水道或五条坂下車，徒步5分鐘 ▶︎ 開放時間：6:00～18:00 ▶︎ 夜櫻開放時間：3月25日 – 4月9日的18:00 – 21:00 ▶︎ 費用： 大人 300日圓｜中小學生 200日圓（平日參拜） 大人 400日圓｜中小學生 300日圓（夜間參拜） 2.用眼睛寫詩ー哲學之道 喺櫻花飄散嘅哲學之道，心裡面就會不自覺咁吟下詩，做下文青。因為有櫻花，好似所有野都變得浪漫兼帶啲詩意。哲學之道除咗係京都最適合散步嘅地方之外，都係當地著名嘅賞櫻景點。因為昔日哲學家西田幾多郎，成日黎呢到散步、思考，所以畀後人稱為「哲學之道」鐘意櫻花嘅你們一定唔可以錯過呀！ ▶︎ 地址：日本〒606-8402 Kyōto-fu, Kyōto-shi, Sakyō-ku, Ginkakujichō, 2 ▶︎ 交通：市巴士、6、17、93、102、203、204喺銀閣寺道下車徒步10分鐘 ▶︎ 開放時間：隨時 3.京都經典風景ー嵐山 提起嵐山大家一定唔會陌生，無論係賞楓定賞櫻，嵐山一定榜上有名！由於嵐山周邊有好多出名嘅觀光景點，每年到咗賞櫻時節就會吸引大批遊客。關於嵐山周邊景點，小編相信大家一定好熟悉，所以就唔多講，要同大家分享嘅係，絕對唔可以錯過每年喺中之島公園舉行嘅枝垂櫻夜間點燈！比起日間，入黑後嘅嵐山多咗一份神秘感，再加上櫻花柔美作陪襯，會有種時空錯亂嘅浪漫感覺！ ▶︎ 地址：日本京都府京都市右京区 嵐山 ▶︎ 交通： (1) JR 嵯峨野線，坐到馬堀，再徒步至亀岡站。 (2) 坐嵐電（京福電鐵），到嵯峨站。 ▶︎ 開放期間：隨時 ▶︎ 必坐嵐山小火車 4.華麗櫻花盛開ー醍醐寺 位於京都伏見地區嘅「醍醐寺」唔單止係世界文化遺產，亦都係日本櫻花百選名所之一！百選名所係日本財團法人櫻之會喺日本全國揀選嘅100個賞櫻名所。醍醐寺最為人所稱道莫過於「枝垂櫻」特徵細長而向下垂放，隨風飄盪，堪稱櫻花中最優雅嘅舞者。如果無時間去其他地方賞櫻嘅朋友，小編建議你就先衝黎呢到，感受一下櫻花灌頂嘅魔力！ ▶︎ 地址：京都市伏見區醍醐東大路町22 ▶︎ 交通： (1)搭乘市營地鐵東西線醍醐站徒步 (2)搭乘京阪巴士至醍醐三寶院站下車 ▶︎ 開放時間：9:00 – 17:00 ▶︎ 費用：大人1500日圓｜中高生1000日圓 5.最後饗宴ー仁和寺 由於昔日好多皇子皇女喺度落髮出家，所以仁和寺又尊稱為「御室御所」。寺裡面嘅櫻花自然地冠上「御室櫻」嘅稱號。御室櫻出名遲開，開花期平均遲過其他地區一個禮拜至十日，所以有人又叫呢度做「京都最後のお花見」（京都最後一場花見）所謂嘅大器晚成，應該就係講仁和寺；係盛開時期，御室櫻會由樹枝頭開到樹枝尾，好似成個天空都畀櫻花簇擁住，佢茂密嘅程度令人驚嘆。如果喺其他地方見唔到櫻花嘅朋友，不防黎仁和寺撞下彩喎！ ▶︎ 地址：京都府京都市右京區御室大内33番地 ▶︎ 交通：搭乘京福北野線 （嵐電）至御室站徒步約5分鐘 ▶︎ 開放時間：9:00 – 17:00 ▶︎ 費用：大人 500日圓｜小孩 200日圓 平安貴族嘅浪漫ー岡崎櫻迴廊十石舟遊河 如果你覺得每次賞櫻都係散步行程好悶，咁小編推薦你「岡崎櫻迴廊十石舟遊河」搭京都地鐵喺「蹴上駅」落車，徒步五分鐘左右就可以睇到岡崎十石舟嘅上船位。你可以坐喺船上面欣賞住岸邊好靚嘅櫻花；加上水聲流動嘅聲音，望住花瓣落入水嘅姿態，呢到一定係專屬京都人嘅浪漫。 ▶︎ 地址：京都府京都市左京区南禪寺草川町 ▶︎ 交通：搭乘地下鐵東西線蹴上站徒歩約7分鐘 ▶︎ 開放時間：3月24日 – 5月6日的 9:30 – 16:30 ▶︎ 夜櫻開放時間：3月30日 – 4月10日的 8:30 – 20:30 ▶︎ 船費：大人（國中以上） 1200日圓｜國小生 600日圓｜幼兒（3歲以上）300日圓 ▶︎ 詳細資訊：岡崎櫻迴廊十石舟遊河官網 昔日風雅再現ー平安神宮 平安神宮都係賞櫻勝地之一，除咗入口處標誌性嘅鮮紅色鳥居外，你仲可以進入正殿後方嘅「神苑」參觀，欣賞日本明治、大正時期嘅庭園傑作。被粉色櫻花裝飾過後嘅庭園景真係靚到絕頂，臨水嘅櫻枝微微向下彎，就好似古典美人咁。另外，平安神宮嘅賞夜櫻稱為「紅しだれコンサート」（紅枝垂櫻音樂會）喺呢段期間，除咗開放南神苑觀賞夜櫻之外，仲會喺東神苑裡舉辦音樂會。伴隨住悠揚嘅音樂，畀燈光照耀嘅夜櫻倒映喺湖邊望落去更令人難忘；一場融合視覺同聽覺嘅饗宴，好似夢境嘅夜晚，你仲等啲咩呢？ ▶︎地址：京都府京都市左京區岡崎西天王町 ▶︎交通： (1) 搭乘京都市營地鐵東西線(東山站1號出口)站徒歩約10分鐘 (2) 搭乘京阪電鐵鴨東線至「三條」站或「神宮丸太町」站，再徒步10-15分鐘 (3) 搭市營公車5或100系統，在 「京都會館・美術館前」下車，徒歩約1分鐘 ▶︎ 開放時間：8:30 – 17:30 ▶︎ 夜櫻開放時間：4月6日 – 4月9日 ▶︎ 注意：進入神苑內禁止腳架攝影 ▶︎ 費用：大人 600日圓｜小孩 300日圓 8.古色古香ー祇園白川 祗園係京都嘅藝妓區，亦可以話京都最具代表性嘅經典之一。日間，祗園環境幽靜；華燈初上嘅時候，祗園先真正開始有生氣。每年櫻花盛開嘅時節，到咗夜晚，沿住白川一盞盞燈火點起微弱嘅光線，你可以選擇喺其中一邊欣賞住沿岸美麗嘅櫻花樹漫步，一邊感受京都古色古香氣息。或者喺下一個轉角，你會遇到藝妓。 ▶︎ 地址：京都府京都市東山區祇園 ▶︎ 交通： (1) 搭乘京阪電鐵至祇園四条站徒歩約5分鐘 (2) 搭乘阪急電鐵至河原町站徒歩約10分鐘 (3) 搭乘市區巴士206號至祇園站下車，徒歩約6分鐘 ▶︎ 開放期間：隨時 ▶︎ 著和服賞櫻：東京淺草和服漫步、京都清水寺和服+人力車體驗 認識KKday 想挑選心水行程又怕浪費時間比較？KKday 作為亞洲最大旅遊體驗平台，網絡橫跨全球 80 個國家、500 個城市，為您搜羅超過 10,000 種特色行程體驗。只需安坐家中，就能訂購世界各地具品質保證、價格實惠的旅遊產品，助你輕鬆自主行程，創造獨一無二的旅遊體驗。 ▲前往KKday 網站，訂購心水行程！ ▲下載KKday App與你同行，發掘更多在地旅遊體驗！ ▲訂閱KKday電子報，獲取更多旅遊優惠！ ▲Facebook ▲Instagram ▲YouTube ▲旅友討論區
