想睇番西歐五國星馬畢業遊的行程，請睇行程篇 (27日景點行程分享,機票資料) 上篇blog提到我地由巴黎的Beauvais Airport搭Ryanair航空飛去羅馬的Ciampino Airport， 去到羅馬都成夜晚11點， 所以我地就book左機場附近的Hotel Palacavicchi住一晚， 入住的日期係23/5-24/5， 地址：Via Ciampino 70, Rome, RM, 00178 Italy， 我地住的房型係Double Room， 包免費泊車&自助早餐， 係Expedia度book，用左優惠碼之後價錢係HK$408.39 一晚。 另外，每人每晚都會收取€4的稅， 係check out個陣先比的，我地2人1晚總共要€8。 我地前一晚就email問間酒店有無shuttle由機場去酒店， 酒店回覆話有，shuttle服務剩係去到凌晨的1:30pm， 叫我地到左Ciampino Airport就打比佢地， 然後就會有司機黎接我地啦！ 溫馨提示：一程shuttle的收費係€2.5 一人。 Btw，原本我地諗住好似布吉個次咁拖喼由機場行去酒店， 但係睇trip advisor的旅客話周圍都係高速公路 根本係行唔到去， 所以就放棄呢個念頭啦。 酒店的shuttle。 其實打比酒店個陣好似雞同鴨講咁， Ciampino機場個度無乜商店， 出面就係一個好大的停車場 好多車來來往往， 真係好難講自己的位置， 都係靠自己留意下D車寫D乜， 終於搵到酒店架shuttle。 酒店係機場的隔離， 除左Ciampino機場來往酒店的shuttle之外， 仲有酒店去Ciampino火車站的shuttle， 價錢都係€2.5 一人， 然後就可以搭番去出羅馬市區啦。 圖片來源：Google Map 大約5分鐘的車程就去到酒店啦， 酒店的外表望落好細， 其實間係酒店好長的。 成個槍形的範圍都係間酒店的。 圖片來源：hotelsclick.com 當時都唔記得影酒店大堂的樣， 好舊式西式酒店的感覺。 頭先提及過間酒店好長， 成間酒店都係平房黎，得一層， 由於我地間房係好遠的， 我地要拖住喼， 行左好多度門＆走廊， 先至去到我地間房！ 走廊的樣。 間酒店比我的感覺好似住緊度假營咁， 首先因為佢係平房的設計， 其次就係經過D房， 見到好多房都一班年輕人黎住， 好有度假營的感覺。 終於到左我地間房啦， 房入面的色調都好度假營feel。 有個衣櫃、書台仔。 書台下面有個小書櫃， 有兩支免費的水。 窗外的景， 都係園林景。 浴室， 洗手盤隔離有個好似小型的洗手盤， 其實佢係坐浴桶Bidet， 係用黎比人洗屁股＆下體架， Bidet本來的意思係騎馬，因為用個陣嘅動作同騎馬好似而命名。 而呢個係馬桶， 估唔到佢會特登貼住Sanitary Safety， 姐係證明個馬桶係清潔左。 浴室的用品， 黎歐洲旅行D酒店經常都唔包牙刷牙膏， 大家記得帶定支牙刷牙膏去歐洲旅行。 酒店係包埋自助早餐， 我地原本諗住唔食早餐直接搭shuttle走人， 但係由於shuttle仲未有， 於是就去食早餐啦， 當時係9點3，可能我地太晏起身？間餐廳已經唔多住客食早餐啦。 食物種類唔係好多， 我地拎左D包、撻、火腿、乳酪黎食。 仲有果汁、咖啡。 D早餐都算係OK，正正常常。 總括黎講， 如果大家夜晚搭飛機到羅馬的Ciampino機場， 都可以考慮住下呢間酒店， 環境都舒適，價錢都合理！ 旅遊日期：2017年5月14日- 6月10日 ========================= 覺得呢篇blog幫到你， 記得like Facebook Page https://www.facebook.com/fatbjai.travel/ follow Instagram https://www.instagram.com/fatbjai.travel/ 收到個blog的最新update！ ========================= 《西歐五國星馬畢業遊》 行程篇 (27日景點行程分享,機票資料) Day1 (出發去倫敦,維也納轉機驚魂事件,奧地利航空) 酒店篇 (英國倫敦Paddington,Castleton Hotel) Day2 (白金漢宮,西敏寺,大笨鐘,Oxford Street,Fish＆Chips,柏靈頓) 酒店篇 (英國倫敦,Conrad London St. James) Day3 (大英博物館,倫敦塔橋,Harrods,Burger&Lobster,Nandos) Day4 (Bicester Village戰利品分享,itsu英式日本快餐,Five Guys) Day5a (英國巨石陣Stonehenge,世界文化遺產) Day5b (九又四分之三月台,倫敦最好食的葡撻,印度菜) 酒店篇 (英國倫敦King's Cross,Crestfield Hotel) Day6 (倫敦去巴黎,羅浮宮,巴黎聖母院,愛情鎖橋) Day7 (凱旋門,聖心堂,香榭大道,巴黎鐵塔下睇夜景) Day8 (Palace of Versailles,係凡爾賽宮嘆下午茶) 酒店篇 (法國巴黎,Hotel R de Paris) Day9 (《Inception》電影拍攝場地－比爾阿克姆橋) 酒店篇 (睇到巴黎鐵塔的酒店Hôtel La Comtesse) Day10 (巴黎鐵塔,聖路易島的雪糕,Ryanair飛羅馬) 酒店篇 (羅馬Ciampino機場,Hotel Palacavicchi) Day11a (搭火車黑仔事件,梵蒂岡,羅馬許願池,萬神殿) Day11b (羅馬鬥獸場,古羅馬廣場,GROM雪糕) 酒店篇 (羅馬,Hotel Nord Nuova Roma) Day12 (佛羅倫斯,The Mall,聖母百花大教堂,領主廣場,T-bone牛排) Day13 (佛羅倫斯周邊打卡勝地：比薩斜塔＆五漁村) 酒店篇 (佛羅倫斯民宿推介,Home Boutique Santa Maria Novella) Day14 (威尼斯,彩色島,聖馬可廣場) 酒店篇 (威尼斯,Ca' Pagan Guest House) Day15 (威尼斯不愉快事件,米蘭曲折之旅,米蘭大教堂,艾曼紐二世迴廊) 酒店篇 (米蘭,Hilton Milan) Day16 (米蘭去瑞士Grindelwald,瑞士火車pass要點揀?Domodossola退稅分享) 酒店篇 (瑞士山區Grindelwald,望到阿爾卑斯山的Hotel Lauberhorn) Day17 (玩轉瑞士少女峰！原來有咁多野好玩！) Day18 (瑞士Grindelwald玩刺激活動/行山的聖地 - 佛斯特 First) Day19 (瑞士Grindelwald享受一日慢活) Day20a (瑞士琉森,卡佩爾木橋,垂死獅子像,蘇黎世) Day20b (蘇黎世機場退稅,瑞士航空,Aspire Lounge)
