之前都分享左唔少儲里數的經驗，今次就想講下點用D里數 好多人都以為里數淨係可以換機票，但因為里數最多三年就會過期 令唔少人因為覺得自己無可能三年儲到30,000里(正常情況下簽帳最少年法$15萬)去日本而卻步 其實，亞洲萬里通除左換機票，仲有好多用途架~~~其實官網首頁都透露左少少端倪了 1. 酒店及租車服務獎勵 (網址︰https://travel.asiamiles.com) 目測酒店大約5,000 - 6,000里起跳，唔可以話抵換 但如果去開旅行而d里數又就黎到期，咁用黎book一晚酒店都係唔錯的選擇 至於租車，因為我係無車牌，所以完全係唔知行情，大家有需要就自己去研究下啦！ 2. 生活品味獎勵 其實即係去iRedeem換禮品 (網址︰http://redeem.asiamiles.com/zh) 相對其他飛客常客計劃，亞洲萬里通比較有彈性，香港的話，低至1,300里已經可以換到禮品 例如有玩即影即有的朋友，2,900 – 3,200里數就已經有盒公仔框的相紙 飲開咖啡的朋友又可以用7,500里數換到Pacific Coffee咖啡券x10 仲有好多各式各樣的精品，大家可以自己發掘一下 而且大部份禮品都係免費送貨，簡單又方便 部份禮品更加可以用里數+現金換領(不過加錢換有時仲貴過自己俾錢買，小心！) 3. 公益及環保計劃 (網址︰http://www.asiamiles.com/am/zh/redeem/miles/donate) 如果iRedeem都無野睇啱，不如考慮下損左佢啦~ 唔洗浪費左d里數之餘又幫到人！ 4. 兌換客位提升獎勵、額外寄艙行李、加長空間座位 除左上述幾項選擇，我都仲有兩個小貼士 首先就係優化飛行體驗的獎勵喇 簡單黎講，即係如果儲唔夠里數兌換機票，可以買完機票之後再用里數upgrade、買前排闊d的座位、加購行李limit 留意客位提升只適用於定子艙位，通常都係貴飛先用得架喇~ 同埋如果架機有特選經濟客位，就唔可以跳級升到商務客位 另外兩項獎勵所需里數如下 5. 轉換至易賞錢 最後就係將d里數轉返做易賞錢 呢個方法好處係唔洗手續費，但就會蝕兌換率的方法 例如你將8,000里數轉做將20,000易賞錢 但20,000易賞錢就只係換得返5,000里數，大拿拿少左3,000里(約37.5%) 睇睇下面個表就會一目了然 有咁多方法用里數，有d門檻又低，以後再無藉口唔儲里數啦~ 既然唔洗錢，梗係入左會儲到咁上下，到時再諗點用啦！ =============================================== 給未入會的你︰ 我有三個推薦入會的名額，經我的referral link申請加入Asia Miles的新會員 將可獲賺500里數，小小心意希望可以鼓勵唔知點開始儲里數的朋友踏出第一步啦！
